2 Pyare Se Lover Romantic Si Kahani

                       2 Pyare Se Lover

HOME         PYAR AUR PAISA LOVE STORY

MOHABBAT bhi kya cheez bnayi hai khuda ne agar ek baar aapke dil mai isne jagah bana li to samjho ye aapke marne tak aapka picha nahi chhodne vali. Fir to jab tak apki sansen chalti rhengi tab tak aap chahe kitni bhi koshish karlo aap mohabbat ko khud se alag nahi kar sakte .

Hello Everyone , Mera name Zoya hai. Or aaj main ROMANTIC HEART ke zariye apni mohabbat ki dastan sunana chahti hun. Friends meri aap sab se request hai please mohabbat ko badnaam na kare . kisi se bewafai karke kya milega aapko jab kisi ka dil aapki vajah se dukhta hai na to khuda bhi naraz na ho jata hai or na jane aapki vajah se kitne logo ka mohabbat par se yaqeen uth jata hai. Mohabbat to 1 bahot hi khubsurat ahsas hai Chalo Zyada batein na karte hue main aapko apni dastan-e-ishq sunati hun. Thoda dhyan se padhna hihihih...

Subah ki pyari si roshni mere kamre mai dastak de rahi thi mumma mujhe tab se sahyad 8 ya 9 martaba jaga chuki thi lekin mera uthne ka mann hi nahi ho raha tha. Is bar mumma aayi to unke hath mai pani ka jug tha or unhone bina der kiye sara ka sara mere uper daal diya , main itni zor se chillayi ki papa, dadi , bhabhi sab bhagte hue aaye or mumma se puchne lage kya ho gya , 

kya ho gya meri bacchi ko  ? dadi ne mujhe gale lgate hue pucha , mumma ne dadi ki or dekha or boli aapne hi bigada hai ise or ab ye bacchi nahi pure 19 saal ki ho chuki hai . Time dekha hai aapne lekin ye maharani uthne ka naam hi nahi le rahi hai . Maine masoom sa face bnakar dadi ki taraf dekha or boli dekhen dadi abhi to sirf 9 bje hai or mumma ne itni jaldi utha diya meri ninni bhi puri nahi hui . dadi gusse mai mumma ko dant te hue boli khabardar jo meri phool si bacchi ko tumne pareshan kiya to , hafte mai 1 din to aaram karne ko milta hai meri bacchi ko varna ye kitabein ise chain kaha lene deti hai . Dadi ne pyar se mere sir par hath rakha or boli chal beta zoya ab isne tujhe utha hi diya hai to tu uth ke kuch kha pi le fir baad mai hum shopping karne chalenge . Maine okay mai sir ko hila diya to sab mere kamre se chale gaye . Ab tak aap itna to samajh hi gaye honge main apne ghar mai kitni ladli hun sab mujhe kitna pyar krte hai , mana ki meri mumma thoda preshan karti hai mujhe lekin vo bhi mere bhale ke liye or mujhe bhi accha lagta hai mumma ko preshan karna hum sab family members ki tarah kam or friends ki tarh zyada rehte hai.

Sham ke 4 baj chuke the mai or dadi shopping ke liye nikal pade the , mujhe dadi ki company bahot acchi lagti thi vo bahot masti karti thi mere sath. 2, 3 ghante shopping karne ke baad maine dadi se bola dadi mujhse nahi chala ja raha or main vahin baith gayi , Dadi boli yaar zoya tu abhi se budhi ho gayi baithna mujhe chahiye tha or tu baith gayi chal tujhe kuch khilati hun . Fir hum restaurant mai gaye dadi ne mujhe bahot sara khana khilaya .

Khana Khate vakt maine use 1st time dekha bahot hi khubsurat or masoom sa ladka meri samne vali batch par betha hua akele hi khana kha raha tha , aisa lag raha tha na jane vo kon si soch mai ghum hai bass apne aas-paas se anjan . Na jane kyu meri nazrein uske face se hat hi nahi rahi  thi na jane kya jadu sa tha jo mujhe bar-bar uski taraf dekhne ko majboor kar raha tha . vaise to main bahot hi sharmili Type ladki hun lekin aaj us ladke ki masoomiyat mujhe besharam banne ko majboor kar rahi thi . Achanak us ladke ne nigah uthayi or meri taraf dekha main iske liye tayyar nahi thi or ghabrake dadi ki taraf dekhne lagi , mujhe na jane kyu aisa lag raha tha jaise kisi ne meri chori pakad li ho dil dhad dhad kar raha tha , thodi der baad jab thodi normal hui to fir uski taraf dekha to vo ja chuka tha maine thodi chain ki saans li. Ghar aakar bhi main uske bare mai soche ja rahi thi kitna alag tha vo ladka uski aankhon mai bahot gehrayi thi mujhe 1st time koi ladka itna accha laga tha .

Zindgi apni raftaar se bhage ja rahi thi or vo kissa bhi mere mind se nikal hi chuka tha ki achanak vo ladka mujhe dobara dikh gaya mere college ki library mai or is bar pehle se bhi zyada masoom , pehle se bhi zyada khoya hua or dil ke kareeb laga , mera dil chahne laga zoya aaj isse puch hi le ki aapko kya pareshani hai kyu aap itni socho mai ghum rehte ho or sari preshaniya door kar dun lekin main bass soch sakti thi karne ki himmat to bilkul bhi nahi thi mujhme. Is bar bhi mujhse vo hi galti hui thi  jo last time hui thi, is bar bhi main uski aankho mai kho gayi thi vo hairani bhari nazron se mujhe dekh raha tha or main pagal ye bhi nahi samjh payi ki vo mere bilkul kareeb aa gaya tha or usne mere kareeb aakar dhire se hello bola, uske hello bolne par main khuwabon se jagi or hakeekat ki duniya mai aayi vo fir bola shayad maine aapko kahin dekha hai  ?  Main kuch nahi bol payi or n na-na -na-nahi -nahi to sha- shayd aapko galat fehmi hui hogi meri zaban se words bhi nahi nikal pa rahe the . Or vo meri is ghabrahat ko dekhkar okay bolkar chalne laga , mujhe pata nahi kya ho gaya tha main bhagkar uske pas gayi or usse boli......

 "maine aapko restaurant mai dekha tha aap khana kha rahe the mujhe aapko dekhkar na jane kyu apnapan sa lagta hai aap mujhe khoye -khoye se lagte ho aapki aankhon mai na jane aisa kya hai jab bhi main aapko dekhti hun to kho si jati hun , mujhe aapko dekhne ke baad neend nahi aati hai main puri raat pareshan rehti hun mujhe batayen aisa kyu hai kya pareshani hai aapko kyu aap is duniya se anjaane se lagte ho ? Kyu mujhe aapki aankho mai bar-bar dekhne ka mann karta hai "

or bhi pata nahi mai us time kya -kya bol gayi or vo bass meri taraf hairan bhari nazro se dekhta raha jaise use koi shocked laga ho , jab main kuch hosh mai aayi to mujhe andaza hua ki beta zoya aaj tune ye kya kar diya, mujhe khud par shak sa hua kahin main kuch pagal to nahi ho gayi  ? Meri sari batein sunkar kuch der baad uske face par hairani ki jagah muskurat aa gayi thi uski muskurahat bhi bahot pyari thi khuda ne use mukammal husn diya tha jo kisi ko bhi apni kaid mai karne ke layak tha . Vo mujhse bola agar aapko apne sawalon ke jawab chahiye to aapko mere sath coffee pini pdegi maine pehle to thoda sa socha fir maine haa kardi or hum canteen mai chale gaye vo just mere samne betha tha or is baar main apni nigah nahi utha rahi thi kyuki main uski aankhon mai khona nahi chahti thi. 

Thodi der baad usne bolna shuru kiya Mera Name Aahil hai , Delhi mai rehta hun yahan banglore mai apni study ke liye aaya hun maine dhire se pucha isi college mai padhte ho ? Nahi is college mai nahi usmaniya university se b.tech kar raha hun final year hai yahan apne friends se milne aaya tha , ghar main mumma -papa or 1 chhoti behen the usne itna hi bola tha main beech mai hi bol padi ( the matlab ?) , vo bola the matlab pehle the ab nahi hai allah ne unhe apne paas bula liya. Uski ye baat sunke mera dil bahot zor se dhadka mujhe sab samjh aa gaya aahil ki aankhon mai itni gehrayi kyu hai or vo itna khoya khoya sa kyu lagta hai, aahil ne bataya uski family bahot pyari thi sab bahot masti karte the sabse zyada aahil apni behen ke close tha vo aahil ke bina 1 pal bhi nahi rehti thi aahil ko bhi apni behen se sabse zyada pyar tha lekin na jane unko kiski nazar lag gayi 1 saal pehle vo sab kisi shadi mai ja rahe the to unka car accident ho gaya or vo sab aahil ko akela chhodkar chale gaye , mera dil kar raha tha aahil ko gale laga lun or use bolun aajke baad vo khud ko akela na samjhe main uske sath hamesha rahungi . Lekin meri sharam mujhe kuch bhi bolne se rok rahi thi lekin ye baat to pakki thi aahil ke liye mere dil mai hamdardi or pyar ne jagah karli thi. 

Batein karte karte kafi der ho gayi thi tab aahil mujhse bola ohhh maine aapka name to pucha hi nahi ZOYA  main dhire se boli. aahil ne mujhe btaya jab maine aapko 1st time dekha tha to ap mujhe  bahot acchi lagi thi or main restaurant se isliye chala gaya tha taki aapse baat karne ke liye majboor na ho jaun isliye dil ko samjhakar main restaurant se chala gaya tha lekin aaj aapse  baat kiye bina nahi reh paya or aapse aakar bol diya maine aapko kahin dekha hai . Mujhe bhi thodi hairani hui ki aahil ne mujhe itna notice kiya or vo bhi mujhe bhool nahi paya tha . 

Vo hamari pehli mulakat thi uske baad dhire-dhire hamari mulakatein bhi badhne lagi or nazdikiya bhi mujhe uska sath bahot accha lagta tha or vo mere sath hota tha to sad nahi hota tha maine uski family ki kami ko thoda sa poora karne ki koshish ki thi taki use is duniya mai akelapan feel na ho . Pehle to meri mumma mere der se uthne se pareshan thi lekin ab jaldi uthne se pareshan ho gayi thi aahil ne mujhe responsible sa bana diya tha .

 Mujhe Vo din yaad hai sardiya aa gayi thi or dophr acchi lagne lagi thi jab dhoop body ko chhu kar jati hai to bahot hi accha sa ahsas hota tha. Main usi ahsas ka maza lekar book padh  rahi thi achanak piche se aahil aaya or tez aawaz se mujhe dara diya main bahot zor se uchal padi meri halat dekhkar vo zor -zor se hasne laga , pehle to main ghabra gayi thi fir aahil ko hasta dekhkar mujhe bhi hasi aa gayi or maine 1 book uske sir par raseed kardi. Vo janbujhkar zameen par gir kar natak karne laga jaise use bahot zor ki lagi ho maine ghabrake pucha kya hua aapko zyada zor ki lag gayi kya ? Vo dhire se bola haa bahot zor ki lagi hai main uske sir ko dekhne lagi to vo bola are pagal sir main nahi lagi , to main sochte hue boli maine to book sir mai mari thi to sir mai chot kyu nahi lagi maine pucha sir mai nahi lagi to kahan lagi to vo dil par hath rakhte hue bola pagal yahan lagi . Main us time kuch nahi samjhi or aahil se boli yahan kaise lag jati hai jhute kahin ke book to maine sir par mari hai tab aahil bola sir par to tumne ab mari hai dil par to tab hi lag gayi thi jab tumhe 1st time dekha tha , is dil ko tumne tabhi bechain kar diya tha jab canteen mai tumne 1st time mujhse batein ki thi or mai tumhe bass dekhta hi reh gaya tha . Or bhi na jane kya kya aahil bolta raha or mai bass use dekhti reh gayi usne kitne aaram se apne PYAR ka izhar kar diya tha , kitni hoshiyari se apne dil ki batein bol di thi or main pagal bass use dekhti reh gayi . Fir aahil mere paas aaya or mujhse bola ..

" Zoya mujhe tum bahot pyari lagti ho us din restaurant mai hi tumne mere dil m jagah bana li thi or ab tumne meri zindgi ki har kami ko poora kar diya hai jabse tum meri life mai aayi ho main apni family ke ghum ko hi bhool gaya hun lekin jab tum mere sath nahi hoti ho mere ghum mujhe jeene nahi dete isiliye main har pal tumhara sath chahta hun , mera dil karta hai tum har time mere sath raho taki meri tanhai mujhe sataye nahi , main zindgi bhar tumhare sath rehna chahta hun MUJHSE SHADI KAROGI ZOYA  ? btao zoya meri bnogi ? "

Meri garden khud se hi haa mai hil gayi kyuki main bhi aahil ki sabhi pareshaniya samet lena chahti thi vo meri zindgi ka hissa ban gaya tha uske bina main khud ko adhoori samajhti thi meri haa sunke usne mujhe gale se laga liya maine aahil ki dhadkano ko feel kiya tha vo bahot zor se dhadak rahi thi , jab usne mujhe khud se alag kiya to maine dekha aahil ki aankho main aansu the maine pucha ro kyu rahe ho pagal , aahil ne kaha zoya meri zindgi main bahot din ke baad koi khushi aayi hai please mujhe chhodkar mat jana main tumhe apni zindgi se zyada pyar karta hun. Maine use yakeen dilaya main bhi use khud se zyada chahti hun , aahil main kasam khati hun jab tak zoya ki sansen chalengi zoya aahil ka sath kabhi nahi chhodegi ye zoya ka vada hai , ye sunke aahil ne mujhe zor se hug kar liya or pyar se muskura diya.

Us din se aahil or mera ek khas rishta ban gaya vo mera or bhi zyada khyal rakhne laga tha zindgi bahot khushnuma si ho gayi thi din raat main aahil ke sath zindgi guzarne ke sapne dekhne lagi thi , akele mai hi aahil ki batein sochkar hasti rehti thi , meri in harkaton ki khabar sabse pehle meri sabse best freind yani ki meri dadi ko hui , 1 din main uper chaht par bethi hui thi mousam bahot accha ho raha tha main chair par bethi hui coffee pi rahi thi tabhi mujhe aahil ki kuch baat yaad aayi or main muskurane lagi maine dhyan nahi diya dadi mujhe hi dekh rahi hai jab kafi der ho gayi to dadi ne mujhpar hamla bol diya , tune mujhe btaya kyu nahi tu mujhse pitegi ab zoya tujhe ab mujhse koi nahi bacha sakta tune mujhse bhi baat chupayi or meri kamar par zor ka jhapad mara main zor se chillayi yaar dadi bahot zor se lagi hai ye to btao hua kya hai ? maine aapko kya nahi btaya ?
Dadi boli accha bacchu mujhse hi pooch rahi hai kya nahi btaya abhi theek karti hun tujhe , maine dadi ko pehle to aaram se baithaya fir pyar se pucha , meri pyari si dadi ji aap btayengi maine aapse kya chupaya hai ? dadi boli koun hai vo ?
Maine pucha koun ?
Jise tu yaad kark karke akele mai muskurati rehti hai kitne hi din se tujhe notice kar rahi hun ab jaldi se bata koun hai vo nahi to pitege mujhse or main teri dadi hun tujhse zyada duniya dekhi hai maine , bachpan se lekar ab tak teri har aansu har hasi ka raaz janti hun main samjhi zyada hoshiyar mat ban nahi to tujhse baat nahi karungi .....itna sunte hi main ghabra gayi kyuki dadi meri jaan thi unke bina main kaise reh sakti thi or meri life ki ye pehli baat thi jise maine share nahi kiya tha kyuki mujhe darr tha kahin dadi mujhe aahil se door na karde . Maine dadi ko 1st day se lekar end tak sari kahani bta di or aahil ke bare mai bhi sari batein bta di . Dadi ne pehle to mujhe gle se lgaya or boli tune accha kiya us bacche ka sath diya tune jiska koi nahi hota uska allah hota hai kya pata allah ne tujhe bnaya ho uske liye , lekin beta is duniya mai har tarah ke log hote hai aahil ke bare mai jab tak sari sacchai na pata karle tab tak aage mat badhna vrna jab dard milta hai na to jeena dushvar ho jata hai , maine dadi ko aahil ki sari batein btadi vo mujhe bahot pyar karta hai or bahot sari khoobi bata kar maine dadi ko tasalli dedi taki vo meri vajah se pareshan na ho . Dadi udaas hokar boli ab to tujhe tera best friend mil gaya ab mujhe akele rehna pdega maine dadi ko zor se hug kar liya or kaha dadi aap to meri jaan ho aapke bina main bhala kahan ja sakti hun dadi meri baat sunke muskura di.

Dhire -dhire vakt aise hi beetne laga zindgi aaram se kat rahi thi . 1 din aahil ka phone aaya, Zoya main kuch din ke liye ghar ja raha hun 5,6 din mai lout aaunga mujhe thoda ajeeb sa laga kyuki ab se aahil meri life mai aaya tha vo 1 bhi baar ghar nahi gaya tha , maine pucha aahil aap ghar kyu ja rahe ho, aahil ne kaha - zoya jabse mere papa-mumma is duniya se gaye hai main kabhi apne ghar nahi gaya kal mere sabse chhote chacha ji ki call aayi thi vo mujhe bata rahe the jo mere dusre chacha ji hai vo mere ghar ko or zameen ko bechna chahte hai lekin vo meri family ki 1 hi to nishani hai main use bechna nahi chahta isliye main ghar ja raha hun lekin main jaldi hi lout aaunga . Aahil 1st time mujhse door ja raha tha isliye mujhe bahot ajaab lag raha tha maine udas mann se use jane diya lekin lekin pata nahi kyu mera dil ghabra raha tha . Maine socha shayad aahil 1st time mujhse door ja rahe hai isliye dil mai kuch kuch ho raha hai , maine khud ko samjha liya.

Aahil ke bina aaj 1 hi din hua tha lekin aisa lag raha tha na jane kitne mahine ho gaye kitne saal ho gaye ab mujhe samjh aaya tha main aahil ke kitne kareeb ho gayi hun uske bina main bilkul adhoori hun , aise hi aahil ke intazar main 2 se 3, 3,se 5, or 5 se 10 din ho gaye or pichle 8 dino se to meri aahil se baat bhi nahi hui thi main pagal si ho gayi thi aahil ke bina main itne din kabhi nahi rahi thi mera dil bahot ghabra raha tha maine subah se hazaro baar aahil ka no.  Try kiya tha lekin uska no.  Off aa raha tha mere sabar ki limit poori hoti ja rahi thi mera rone ka bahot mann kar raha tha main apne room mai gayi or takiye mai face chupakr rone lagi mujhe aahil ki bahot yaad sata rahi thi or dil ghabra raha tha kahin aahil ke sath kuch bura na ho gaya ho dil mai na jane kaise kaise khayl aa rahe the,  kuch der baad mere room mai dadi aayi main rone mai itni busy thi mujhe dadi ke aane ka pata hi nahi chala, Mujhe rota dekhkar dadi bahot pareshan ho gayi or mujhe gale se lgakar pucha kya hua meri jaan ko aise kyu ro rahi ho?
Aahil se ladai hui hai shayad aahil ka name sunte hi main or zor se rone lagi, dadi samjh gayi aahil ki vajah se hi parehsan hai pehle to dadi ne mujhe gale se lgakar rone diya taki mere dil ka bojh halka ho jaye fir thodi der mai jab main thodi chup hui tab dadi ne pucha ab btao meri jaan ko kisne rulaya abhi kaan ke niche lgaungi uske.  Maine dadi ko btaya ki aahil ka kuch pata nahi hai 8 din se baat bhi nahi hui mobile bhi switch off aa rha h mujhe smjh nhi aa rha kya ho gya aisa to kabhi bhi nahi hua tha jo aahil ne 1 din bhi baat na ki ho. Beta vo ghar gya hai na itne din ke baad to ho skta hai apni family valo ke sath busy ho ya vakt na mil pa rha ho dadi ne mujhe samjhane ki nakam koshish ki.  Kyuki dadi ko b pta tha aahil mujhse baat kiye bina reh bi nhi pata tha.  Aise hi 20 din guzar gaye meri tabiyat khrab hone lagi thi main bass bistr par padi rehti thi har vakt aahil meri aankhon mai rehta tha har time phone ko dekhti rehti thi kabhi aahil ki call aa jaye lekin kismat na jane mere sath kaisa mzak kr rhi thi na to aahil aaya or na hi uski koi call.  Main buri tarike se bimar pad gayi thi har koi parehsan tha mjhe lekar kisi bhi dr.  Ko mera marz samjh nhi aa raha tha mumma bhabhi dadi papa sab ke chehre murjha gye the kyuki main us ghar ki rounak thi meri vajah se sab pareshan ho gye the, sab mujhe hasane ki bahot koshish karte lekin mere kaan sirf aahil ki aawaz sunna chahte the .

Vakt kisi ke liye nahi rukta ,Dhire dhire 1 saal ho gya main thodi theek to ho gyi thi lekin maine is duniya se kinara kar liya tha na hasti thi na kisi se bolti thi meri vajah se dadi bhi roti rehti thi main hi to unki best friend thi meri halat dekh kar vo ro padti thi,  pichle 15 din e dadi mujhe samjhane ki bahot koshish kar rahi thi ki beta use bhool ja usne tujhe dhoka diya hai fir bhi tu uske liye apni zindgi kyu khrab kar rahi hai abhi tune zindgi mai kya dekha hai meri bacchi apne aap ko smbhal le please mere liye hum sab ke liye.  Maine dadi ka hath pakda or unse kaha dadi mere liye aahil ko bhool pana shauad namumkin hai lekin main aap sabko bhi aise udas nahi dekh skti isliye main koshish krungi main aap sab ke dukho ki vajah na banu.  Vakt ne thoda sa marham mere zakhmo par lga diya tha isi beech meri appi ki shadi ho gyi thi or 1 pyara sa bhanja bhi khuda ne mujhe diya tha jab bhi main uski aankhon mai dekhti mujhe aahil ki yaad aati thi kyuki uski aankhen aahil se milti thi.

Kuch din pehle mere liye 1 rishta aaya tha ladka meri mumma ne dekha tha unhe vo bahot hi accha laga tha jab se vo us ladke se mili thi tab se us ladke ki tareefein hi khtm nahi ho rahi thi mjhe kisi mai ko interest nhi tha isliye maine mumma ki baton par koi dhyan nahi diya.  Kyuki mujhe shadi hi nhi krni thi mera dil abhi b manta tha mera aahil vapas aayega lekin is baar to mumma ne zidd hi pakad li thi vo har haal mai mujhe ghar se juda karne par tuli hui thi dadi ne bhi mumma ko samjhaya ki abhi bacchi hai or tabiyat bhi theek nahi rehti hai to kuch din rehne dete hai ,( mere ghar mai aahil ke bare mai sirf meri dadi janti thi or kisi ko kch pata nahi tha) ,  Is bar mumma ne kisi ki baat nahi suni or sabko farman suna diya ki kal maine ladke valo ko bulaya hai ladka bhi sath aayega sabhi tayyari karlen.  Mumma ki batein sunke main rone hi vali thi tabhi dadi mujhe apne room mai le gayi or mujhe pyar se samjhane lagi dekh beta zoya ab teri umar shadi ki ho gayi hai or aahil ko gaye hue bhi 4 saal ho gye hai isliye ab thoda aage ki soch tere maa baap life time to tjhe ghar mai nahi rakh sakte na bete,  Lekin dadi main abhi ready nhi hun iske liye mujhe thoda or time chahiye please main dhire se boli.  Dadi ne kaha  thik hai time dete hai thoda or lekin kal teri mumma ne ladke valo ko bulaya hai kal unse mil lete hai baad mai unhe bol denge hame ladka pasand nahi aaya baat khatam.  Maine haa mai sir ko hila diya or dadi ke gale se lag gayi.

Aisa Pyar Main Hi Kyu Hota hai Love Story  CLICK HERE

Next day hamari ghar mai khub tayyariya ho rhi thi mumma sabko kaam bta rhi thi lekin mera dil kahin bhi nhi lg rha tha aaj na jane kyu aahil ki kuch zyada hi yaad aa rhi thi. Khair main bedili se tayyar hui mumma ne mera makeup krne ki bahot koshish ki lekin maine sakhti se mana kar diya mujhe ni karna makeup.  Mumma gusse ki nazron se dekhte hue bahar chali gayi.  Dophr m 2 baje vo log aa gye the sab unki khatir mai lag gaye.  Thodi der baad mumma mere kamre mai aayi or mujhe boli dekh beta ladka bahot accha hai padha likha hai vo sab tumhe dekhna chahte hai chalo niche chalte hai mere hath mai sharbat ki tray dete hue mumma boli ye tum sabko dena or isi bahane se sabse mulakat bhi ho jayegi.  Main hath mai tray lekar mumma ke piche khud ko chhupate hue chalne lagi mere mann mai khushi ki koi jagah nahi thi mujhe to inse milkar na hi bolni thi . Jab main niche aayi to sabse pehle 1 ladies ki aawaz mere kano mai sunayi di mashaallah bahot hi pyari bacchi hai, main samjah gayi thi ye zaroor ladke ki mumma hongi jaise hi main sharbat serve karne ke liye aage badhi to 2 jani pehchani si nazrein mere samne aa gayi vahi masoom sa chehra,  vahi khoyi khoyi si aankhen,  vo hi ajnabi chehre mai bhi apnapan,  pehle to laga ye vera vehem hai lekin jab main thoda behoshi ke aalam se bahr aayi to vo ho zalim insan tha jiski yaad mai maine 4 saal bahot aziyat bahot pareshaniyo mai kate the mere honto se halki si aawaz nikli "Aa Aah- Aahil" or mere hath se sharbat ki tray chhotkar niche ja giri or sare kanch ke glass bahot shor karte hue yahan vahan bikhar gaye.  Sab mujhe hairani bhari nazron se dekhne lage main zor se chillayi ab kyu aaye ho tum ye dekhne ki tumhare bina main zinda hun ya marr gayi hun.  Samjhte kya ho tum khud ko jab chaho meri zindgi mai aao, jab chahe bina btaye mujhe akela chhodkar chale jao.  Kya bigada tha maine tumhara jo tumne mujhe itni badi saza di.  4 saal tak 1-1 pal tumhe yaad kiya, tmhara intazar kiya or tmne ye tak bhi nahi socha zoya kaise ji rhi hogi.  Usne kasam khayi thi mera sath nahi chhodegi fir bhi aahil tumne mere sath aisa kiya tum bahot bure ho aa aah aahilllll mere lafz tootne lage the meri tarah hi, or fir mere jism ne bhi meri takat uthane se inkar kar diya or main vahin zameen par girti chali  gayi.  Jab mujhe hosh aaya to sab family members mere charo taraf bethe the mere dil mai khyal aaya shayad dadi ne sabko sari baat bata di hogi or aahil apni family ke sath chala gya hoga lekin maine dekha aahil ki family bhi mere paas hi bethi thi or vo bewafa insan bhi samne hi khada tha.

Mujhe hosh mai dekhkar 1 ledies mere paas aayi or boli beta zoya aapke mann mai bahot sare sawal honge aahil ko lekar usne tumse pyar kiya fir itne sapne dikhaye or aakhir mai tumhe chhodkar chala gaya , tumhe lag raha hoga aahil bewafa hai lekin zoya aisa nahi hai mere bacche ne zindgi mai jitne ghum dekhe hai shayad hi kisi ne dekhe honge pehle iske apne ise chhodkar chale gaye or baad mai kuch apno ne hi mere bacche ko dhoka de diya vo ladies mere kareeb baith te hue boli,  beta zoya main aahil ki sabse chhoti chachi hun aahil ke papa ke chale jane ke baad aahil ne delhi aana bahot kam kar diya tha jisse vo ghar jisme 1 pyari si family raha karti thi bilkul viraan ho gaya,  aahil ke bade chacha ke dil mai beimaani aa gayi unhone apne mare hue bhai ki bhi sharam nhi ki or us ghar ko bechna chaha sirf kuch paiso ki khatir.  Ye baat jab mere shohar yani aahil ke sabse chhote chacha ko pata chali to unhone apne bhai ko bahot samjhane ki koshish ki lekin unhe sirf paise dikh rahe the or kuch nhi.  Isiliye humne aahil ko ghar bulaya tha taaki vo apna ghar bacha sake or shayad aahil ko dekhkar unhe apna bhai yaad aa jaye or vo aahil ka ghar na bechen,  lekin kehte hai na jiske dil mai beimaani ne ghar kar liya vo kabhi nahi badalta,  aahil ke ghar jane ke baad un logo ne aahil ko darane dhamkane ki koshish ki or aahil ke papa ke bare mai bhi kuch galat batein bol diya jisko aahil bardasht na kar saka or mere bacche ka hath uth gaya jo iske liye musibat ban gaya,  iske sage chacha ne isi par jhuta case kar diya or aahil ko bina kisi khata  ke police ne arrest kar lia kyuki un logo ne police ko pehle hi paise de diye the,  us time par hamari halat bhi kuch sahi nhi thi jo hum court mai jate thodi bahot koshish karne ke baad aahil ke chhote chacha ne kuch paiso ka intazam kiya Or aahil ko jail se nikalvaya lekin itna kuch karne mai 8,9 mahine lag gaye,  itne din mera baccha jail mai hi raha vo bhi bina khata bina kusoor ke,  aahil ka ghar uske chacha bech hi chuke the lekin aahil ke jail se aane ke baad hamare ghar mai rounak aa gayi shayd aahil ki kismat ki rozi allah ne hamare ghar mai utar di thi jab se aahil hamare ghar mai aaya tha iske chacha ko business mai profit hi profit ho raha tha or jis chacha ne aahil ka ghar becha tha allah ne un par aisi aafat daali ki unka khud ka bhi ghar bik gaya har jagah unka nuksan hota gaya,  or hota bhi kyu nahi beimaani ki rozi zyada dino tak kahan chalti hai vo ledies bina ruke bolti ja rahi thi or sari batein shishe par se dhool ki tarah saaf hoti ja rahi thi.

Tumhe pata hai beta zoya hame bhi aahil ne kabhi tumhare bare nahi btaya varna mai kabhi ki tumhare paas tumhe sab kuch btane aa jati usne sari batein apne dil mai rakhi,  jail mai to vo tumse batein nahi kar sakta tha ,na tumhe bata sakta tha us par kya beet rahi hai jail se aane ke baad bhi mera baccha murjhaya murjhaya sa rehta tha hum sochte the shayad apno ke chale jane or kuch apno ke dhoka dene ki vajah se toot chuka hai , hum ise itna pyar krenge ye sab bhool jayega vakt ke sath sath lekin mujhe iski aankhon mai hamesha kuch kami si lagti thi jaise kisi ka intazar kar rahi ho koi ho jise dil or aankhen bar bar dekhne ki tamanna karti ho,  jab kafi din ho gaye or un aankhon ki pyas nhi bujhi to mera dil beth sa gaya maine aahil ko apne paas bulaya or uase pucha,  beta aahil aapko yahan kuch pareshani hai ya hmare pyar mai kuch kami reh gayi jo tum haste nahi ho ya tum hame apna nahi samjhte?  Beta agar koi dil mai baat ho to bata do mai bhi to tumhari maa hun na.  Maa ka lafz sunte hi aahil ke sabar ka bandh toot gaya or mere gale lagkar kaafi der tak roya jab iske dil ka bojh thoda sa halka hua tab isne mujhe btaya ye meri aankhen zoya ko dekhne ke liye tadapti hai maine usse vada kiya tha main jaldi hi vapas aa jaunga lekin kismat ne mujhe aisa uljhaya main vapas to kya usse baat bhi nhi kar paya mujhe pata hai vo mera intazar kar rahi hogi lekin main kaise jaun uske paas meri himmat hi nahi hoti uska samna karne ki 4 saal kam nahi hote kisi ko bhoolne ke liye lekin main use 1 second ke liye bhi nhi bhool paya hun main kya krun mujhe uski hasi yaad aati hai to dil karta hai kaise bhi use dekh lun main usse bepanah mohabbat karta hun chachi.
Unki ye batein sunke maine dekha room mai har kisi ki aankhon mai aansu the har kisi ke dil mai aahil ke liye hamdardi or mohabbat thi aaj meri poori family ko pata chal gaya tha aakhir mera marz kya tha jo main hasti khelti achanak itni bimaar rehne lagi thi .Fir aahil ki chachi ne btaya ki aahil tumhara samna karte hue bahot darr raha tha yahan aane se pehle maine bahot samjhaya ki teri maa tere sath hai tujhe darne ki zaroorat nahi hai or jab teri mohabat sacchi hai to khuda bhi tere sath hai mere bacche, tab jakr ye yahan aane ke liye ready hua.  Fir aahil ki chachi mere paas se uthkar dadi or mumma ke paas jakar boli, dadi jane anjane mai mere bacche se koi bhool ho gayi ho to please maaf kar dejiye , use uski zoya de dejiye in 2 pyare se lovers ko please alag mat karna,  dadi boli zoya khud aahil ke aane ka intazar kar rahi hai bhala zoya aahil ko koun alag kar sakta hai kyu janu dadi meri taraf aankh marte hue boli or maine sharma ke apna chehra chupa liya mujhe dekhkar sab has pade.

Maine tichi nazron se aahil ki taraf dekha vo aaj bhi aisa hi tha uske chehre se aaj bhi meri nazrein nahi hat rahi thi uski aankhon ke kuch ghum kam ho gaye the shayad mujhe pane ki khushi mai.  Sari pareshaniya khatam ho chuki thi or koi galat fehmi bhi baki nhi rahi thi Ab kuch itminan uske chehre par nazar sa raha tha or mera bhi dil uski masoomiyat mai fir se giraftaar ho gaya or main aane vale dino ke bare mai sochkar muskura di.

THE END - THANK YOU

Friends Agar aapko zoya ki ye love story pasand aayi ho to comment zaroor karna or is story se hame ye pata chalta hai agar mohabbat sacchi ho to khuda mila hi deta hai chahe thodi si pareshaniya aaye lekin pyar ki happy ending hoti hai . 
Aur friends agar aapko bhi apni story ROMANTIC HEART par share karni hai to aap hame 
acchabatao@gmail.com par apni story send kar sakte hai . 

Pyar Aur Paisa 

Aisa Pyar Mai Hi Kyu Hota hai 

Meri Adhoori Kahani